धर्मपुरी येथे शिवप्रसाद फाऊंडेशन व सेवासदन मल्टीस्पेशालिटी हॉस्पिटल मिरज यांच्या संयुक्त विद्यमाने मोफत आरोग्य शिबिर व मोफत चष्मे वाटप

धर्मपुरी (बारामती झटका)

धर्मपुरी, ता. माळशिरस येथे शिवप्रसाद फाऊंडेशन व सेवासदन मल्टीस्पेशालिटी हॉस्पिटल मिरज यांच्या संयुक्त विद्यमाने आयोजित मोफत आरोग्य शिबिर व मोफत चष्मे वाटप हा कार्यक्रम घेण्यात आला.

सोमवार दि. 22 सप्टेंबर 2025 रोजी सकाळी 11 ते दुपारी 3 पर्यंत रणजीत आण्णा सूळ कॉम्प्लेक्स, पुण्यश्लोक अहिल्यादेवी चौक धर्मपुरी (बंगला), ता. माळशिरस येथे शिवप्रसाद उद्योग समूहाचे अध्यक्ष मा. श्री. शरद (बापु) मोरे तसेच मा. जि. प. सदस्या सौ. ऋतुजाताई शरद मोरे व मान्यवरांच्या हस्ते महालक्ष्मीच्या प्रतिमेचे पूजन करून कार्यक्रमांची सुरुवात करण्यात आली.

या कार्यक्रमामध्ये
1) मोफत हृदयरोग तपासणी (ईसीजी, अँजिओग्राफी, अँजिओप्लास्टी)
2) मोफत यूरोलॉजी तपासणी (लघवीचे आजार, किडनी, मूत्राशयाचे आजार, प्रोस्टेट)
3) मोफत डोळे तपासणी व मोफत चष्मे वाटप (तिरळेपणा, बुबुळ, प्रत्यारोपण, पापणी पडलेले-रेटीना)
4) मोफत कॅन्सर तपासणी
5) मोफत रक्त तपासणी
6) मेंदूचे आजार तपासणी व मोफत शस्त्रक्रिया
7) मणका व मज्जातंतू यासंबंधी मोफत शस्त्रक्रिया
8) अल्पदरात मोतीबिंदू शस्त्रक्रिया

वरील आजारांच्या तपासण्या मोफत करण्यात आल्या. यावेळी या शिबिराचा 500 नागरिकांनी लाभ घेतला. यामध्ये मोठ्या प्रमाणात मोफत चष्मे वाटप करण्यात आले.

सेवासदन मल्टी स्पेशलिस्ट यांच्यातर्फे सौ.लता मोरे यांनी कामकाज पाहिले तसेच ऑपरेशनची तपासणी केली. यावेळी अण्णा सूळ, बाजीराव काटकर, किशोर सूळ, शुभम सूळ, भारत सूळ, तुषार पाटील, वैभव मोरे, सुशांत पाटील, अमर रणवरे, तेजस मोरे, कार्यकर्ते, अधिकारी, पदाधिकारी, नागरिक, सेवासदन हॉस्पिटल डॉक्टर व कर्मचारी, शिवप्रसाद फाऊंडेशनचे कर्मचारी आदी उपस्थित होते.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.