अकलूज येथे सलोखा चषक २०२५ स्पर्धा उत्साहात संपन्न

अकलूज (बारामती झटका)
मा. पोलीस अधीक्षक, सोलापुर ग्रामीण श्री. अतुल कुलकर्णी यांचे प्रेरणेतुन व मा. अप्पर पोलीस अधीक्षक, श्री. प्रितम यावलकर यांच्या मार्गदर्शनाखाली माळशिरस तालुक्यात प्रशासकिय विभाग व इतर कार्यक्षेत्रातील कार्यरत असणारे नागरीक याच्यांत एकजुटीचे दर्शन घडविणारे “सलोखा चषक” २०२५ पर्व ०१ ले क्रिकेट सामन्याचे आयोजन दि. २५/०१/२०२५ व दि. २६/०१/२०२५ रोजी विजयसिंह मोहिते पाटील किडा संकुल, अकलुज येथे उपविभागीय पोलीस अधिकारी कार्यालय, अकलुज यांनी आयोजित केले होते.


“सलोखा चषक” २०२५ पर्व ०१ ले मध्ये प्रशासकिय विभागातुन १) तहसिल कार्यालय, माळशिरस, २) सार्वजनिक बांधकाम विभाग माळशिरस, ३) पोलीस विभाग, माळशिरस, ४) महावितरण विभाग, माळशिस, ५) नगर परिषद, अकलुज, ६) पंचायत समिती, माळशिरस, ७) जलसंपदा विभाग, माळशिरस, ८) पोलीस पाटील, माळशिरस, ९) जिल्हा परिषद शिक्षक संघ, माळशिरस हे संघ सामिल झाले. इतर कार्यक्षेत्रातील कार्यरत असणारे नागरीक यातुन १) डॉक्टर-११, २) पत्रकार संघ, अकलुज ३) ४० प्लस वयोगट, माळशिस ४) आक्रमक ११ फोटो अॅन्ड ग्रॉफिक्स टीम, ५) वकील संघटना, माळशिरस, ६) फार्मसी टीम, अकलुज, ७) लॅब स्टाफ, अकलुज, ८) शिक्षण प्रसारक मंडळ, अकलुज, ९) एम.आर.टीम अकलुज हे संघ सहभागी झाले प्रशासकिय विभाग विरूध्द इतर कार्यक्षेत्रातील कार्यरत असणारे नागरीक याच्यांत क्रिकेट सामने बाद पध्दतीने खेळवले गेले.


सदर सामन्यामध्ये क्रमांक ४० प्लस वयोगट, माळशिस या संघाने विजय मिळविला व फार्मसी टीम, अकलुज हा संघ उपविजेता ठरला. विजेता व उपविजेत्या संघास आकर्षक “सलोखा चषक”-२०२५ ची ट्रॉफी देण्यात आली. सहभागी होणा-या प्रत्येक खेळाडूंना वनपरिक्षेत्र अधिकारी, माळशिरस यांच्याकडून देशी जातीचे फळझाडे देण्यात आली.
सलोखा चषक सामने करीता मैदान नगरपरिषद, अकलुज यांनी उपलब्ध करून दिले. प्रशासनातील सर्व विभागाने या स्पर्धेकरीता सहकार्य केले आहे. माळशिरस क्रिकेट असोसिएशन व माळशिरस टेनिस बॉल क्रिकेट असोसिएशन यांचे नियोजनामध्ये चांगले सहकार्य लाभले.



सामन्याचा आनंद घेण्यासाठी व आपापल्या संघाना प्रोत्साहन देण्यासाठी प्रशासकीय विभागातील प्रमुख अधिकारी, कर्मचारी वर्ग तसेच इतर नागरिकांच्या खेळाडूंना प्रोत्साहन देण्यासाठी त्यांचे पदाधिकारी सहकारी तसेच मित्रपरिवार हे मोठ्या प्रमाणात सहभागी झाले होते अतिशय खेळीमेळ्याचे वातावरणात व कोणते गालबोट न लागतात “सलोखा चषक” २०२५ पर्व ०१ ले अतिशय उत्साहात संपन्न झाले.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.