माळीनगर येथील अमोल लोहार यांची वैद्यकीय शिक्षण व संशोधन विभागात लिपिक टंकलेखक पदावर नियुक्ती…

महाराष्ट्र लोकसेवा आयोगाच्या परीक्षेत यशस्वी कामगिरी केल्याबद्दल भारतीय जनता पार्टीचे अकलूज शहराध्यक्ष महादेव कावळे मित्र परिवाराच्यावतीने सन्मान संपन्न…

अकलूज (बारामती झटका)

महाराष्ट्र लोकसेवा आयोगाच्या परीक्षेत वैद्यकीय शिक्षण व संशोधन विभागात लिपिक टंकलेखक पदावर माळीनगर येथील अमोल रामदास लोहार यांची नियुक्ती झाल्याबद्दल भारतीय जनता पार्टी अकलूज शहराध्यक्ष महादेव कावळे मित्र परिवारांच्या वतीने सन्मान करण्यात आला. यावेळी महादेव कावळे, अनिलकुमार शिंदे उर्फ जय, डॉ. निलेश ननवरे, सचिन घोडके, सुहास गायकवाड, लक्ष्मण सदाफुले व इतर मान्यवर उपस्थित होते.

महादेव दादा लोहार यांचे मूळ गाव बावडा, ता. इंदापूर आहे. ते दि सासवड माळी शुगर कारखाना माळीनगर येथे उदरनिर्वाह करता आलेले होते. त्यांचा नातू अमोल रामदास लोहार याने प्रतिकूल परिस्थितीत यश संपादन केलेले आहे. अमोल लोहार यांना पीएसआय लक्ष्मण शिंदे यांचे मोलाचे सहकार्य लाभलेले आहे.

रामदास लोहार व सीताबाई लोहार यांना एक मुलगा अमोल व तीन मुली अंजना हरिहर सिद्धटेक, वंदना माने शेटफळ गडे, राणी हरिहर बारामती अशी चार अपत्य आहेत. रामदास लोहार यांचे २००० साली दुःखद निधन झालेले होते. प्रतिकूल परिस्थितीत अमोल लोहार यांनी यश संपादन केले आहे. त्यांचे प्राथमिक शिक्षण जिल्हा परिषद प्राथमिक शाळा गेजू बावी, बारामती येथे झाले आहे. पाचवी ते बारावी पर्यंतचे शिक्षण मॉडर्न हायस्कूल माळीनगर येथे झालेले आहे. राज्यशास्त्रामध्ये बी.ए. शंकरराव मोहिते पाटील महाविद्यालय, अकलूज, माळेवाडी येथे पूर्ण केले आहे. माळीनगर कारखान्यामध्ये अकाउंटंट व शेती खात्यामध्ये दहा वर्ष नोकरी केली आहे. घरामध्ये आई सीताबाई, पत्नी कोमल व मुलगी यशस्वी असा परिवार आहे. अमोल लोहार यांनी महाराष्ट्र लोकसेवा आयोगाच्या चार वेळा परीक्षा दिलेल्या होत्या. त्यांना यश संपादन होऊन लिपिक टंकलेखक पदावर नियुक्ती झाल्याने मित्रपरिवार यांच्यावतीने त्यांचा सन्मान करण्यात आलेला आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.