
अकलूज (बारामती झटका)
अकलूज ता. माळशिरस येथील विजयसिंह मोहिते पाटील क्रीडासंकुल येथे असलेली सयाजीराजे पार्कची जाहिरात रातोरात गायब झाली आहे.
काल बारामती झटका वेब पोर्टलने ‘विजयसिंह मोहिते पाटील क्रीडा संकुलातील सयाजीराजे पार्कची जाहिरात कायदेशीर की बेकायदेशीर….’ या मथळ्याखाली बातमी प्रसारित केली होती. त्यामध्ये अकलूज ता. माळशिरस, येथील विजयसिंह मोहिते पाटील क्रीडा संकुल येथे खाजगी व्यक्तींना जाहिरात अथवा अभिनंदनचे फलक लावण्यास प्रतिबंधात्मक मनाई आहे. मात्र, विजयसिंह मोहिते पाटील क्रीडा संकुलातील बास्केटबॉल ग्राउंडमध्ये सयाजीराजे पार्कची जाहिरात लावण्यासाठी परवानगी घेतली आहे का ?, अशी उलट सुलटचर्चा सुरू आहे.
क्रीडा संकुलातील सयाजीराजे पार्कची जाहिरात अकलूज नगरपरिषदेचे मुख्याधिकारी व संबंधित कर्मचारी यांची कायदेशीर परवानगी घेऊन लावलेली आहे का ?, का बेकायदेशीर लावलेली आहे ?. बेकायदेशीर असेल तर सयाजीराजे पार्कवर कारवाई करणार का ?, असा सवाल सर्वसामान्य जनतेमधून येत आहे.
अकलूज नगरपरिषद हद्दीमध्ये शासनाने क्रीडा संकुलसाठी शासकीय निधी मंजूर केलेला होता. सदरच्या क्रीडा संकुलाचे टेंडर एक कोटी ३५ लाखाचे होते मात्र, ठेकेदार यांनी शासनाची फसवणूक करून 50 लाखाचे रजिस्ट्रेशन असताना एक कोटी 50 लाखाचे बनावट रजिस्ट्रेशन सर्टिफिकेट आणून सदरच्या क्रीडा संकुलाचे बेकायदेशीर कागदपत्राच्या आधारे बनावट ठेकेदाराने काम केलेले आहे.
ठेकेदाराच्याआडून बड्या नेत्याचा हात असल्याची चर्चा होती. सदरचे काम अंदाज पत्रकानुसार झालेले नसून क्रीडा संकुलाचे कामकाज निकृष्ट दर्जाचे झालेले आहे. संरक्षक भिंती सुद्धा कोसळत आहेत. त्यामुळे क्रीडा संकुलाच्या झालेल्या कामाची सुद्धा चौकशी व्हावी व सयाजीराजे पार्कची जाहिरात बेकायदेशीर असेल तर त्यांच्यावर दंडात्मक कारवाई अकलूज नगरपरिषदेचे मुख्याधिकारी व संबंधित अधिकारी यांनी करावी, अशी अकलूजकरांची इच्छा आहे. यासाठी लवकरच सामाजिक कार्यकर्ते आंदोलन, उपोषण करण्याच्या तयारीत आहेत.

यामध्ये अकलूज नगर परिषदेचे मुख्याधिकारी यावर कारवाई करतील का ?, असा सवाल उपस्थित केला होता आणि दुसऱ्याच दिवशी रातोरात सयाजीराजे पार्कची जाहिरात काढून टाकण्यात आली आहे. तसं पाहिलं तर, वाऱ्याने फाटला असं म्हणायचं झालं तर, बोर्ड नवा होता. त्यामुळे असं होणं शक्य नाही. खरंतर, ही जाहिरात तिथून काढून टाकण्यात आली आहे, त्यामुळे जाहिरातीचा बोर्ड अनधिकृत असावा, अशी चर्चा सर्वसामान्य जनतेमध्ये सुरु झाली आहे. त्यामुळे अकलूजमध्ये प्रस्थापितांचे आणखी काय काय बेकायदेशीर आहे, हे बरचसं जनतेसमोर येईल.

अनेकजण संपर्कात आहेत तर, ज्यांना संपर्क करायचा आहे त्यांनी बारामती झटका संपादक श्रीनिवास कदम पाटील मो. नं. ९८५०१०४९१४ या नंबरवर संपर्क साधावा. परिसरात कुठे बेकायदेशीर सुरु असेल, तर वरील नंबरवर फोटो, व्हिडीओ आणि माहिती पाठवावी, असे आवाहन संपादक श्रीनिवास कदम पाटील यांनी केले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.