क्रांतीसुर्य महात्मा ज्योतिबा फुले व प्रज्ञासूर्य विश्वभूषण डॉ. बाबासाहेब आंबेडकर यांच्या जयंतीनिमित्त ‘होम मिनिस्टर खेळ पैठणीचा’ कार्यक्रमाचे माळशिरस येथे आयोजन
माळशिरस (बारामती झटका)
क्रांतीसुर्य महात्मा ज्योतिबा फुले व प्रज्ञासूर्य विश्वभूषण डॉ. बाबासाहेब आंबेडकर यांच्या १३५ व्या जयंतीनिमित्त संयुक्त जयंती महोत्सव सिद्धार्थनगर, माळशिरस यांच्या वतीने महिलांच्या सन्मानासाठी ‘होम मिनिस्टर खेळ पैठणीचा’ या कार्यक्रमाचे आयोजन शुक्रवार दि. १७/४/२०२६ रोजी सायं. ७ वा. नालंदा बुद्ध विहार, सिद्धार्थनगर, माळशिरस येथे करण्यात आले आहे.
सिनेअभिनेता क्रांती नाना मळेगावकर प्रस्तुत न्यू होम मिनिस्टर खेळ पैठणीचा या कार्यक्रमाचे आयोजन खास महिलांसाठी करण्यात आले असून यामध्ये गप्पा, गोष्टी, रंजक खेळ, हिंदी, मराठी गाणी आणि सोबत गावरान कॉमेडीचा तडका असणार आहे.
या स्पर्धेमध्ये आकर्षक बक्षिसे देखील आहेत. त्यामध्ये श्री. संजय अजित कुलकर्णी (कर सल्लागार) लक्ष्मीकृपा फार्म हाऊस, म्हसवड यांच्यातर्फे प्रथम क्रमांकाचे बक्षीस रेफ्रिजरेटर असणार आहे. श्री. गणेश मोहन कांबळे माळशिरस यांच्यातर्फे द्वितीय क्रमांकाचे बक्षीस एलईडी टीव्ही असणार आहे. ॲड. शिवाजी धनाजीराव मदने, माळशिरस यांच्यातर्फे तृतीय क्रमांकाचे बक्षीस कुलर असणार आहे. श्री. रमेश बाळासाहेब धाईंजे माळशिरस यांच्यातर्फे चतुर्थ क्रमांकाचे बक्षीस मिक्सर असणार आहे. श्री. शरद मधुकर धाईंजे, माळशिरस यांच्यातर्फे पाचव्या क्रमांकाचे बक्षीस टेबल फॅन असणार आहे. श्री. प्रसाद राजू धाईंजे, माळशिरस यांच्यातर्फे सहाव्या क्रमांकाचे बक्षीस इस्त्री असणार आहे.
या सदाबहार कार्यक्रमाचे सौजन्य माळशिरसचे युवा उद्योजक ॲड. दिनेश बाळासाहेब धाईंजे यांच्यातर्फे करण्यात येणार आहे. तसेच पैठणी व आकर्षक गिफ्टचे सौजन्य सौ. काजल दिनेश धाईंजे, माळशिरस यांच्यातर्फे असणार आहे. तरी पंचक्रोशीतील महिला भगिनींनी जास्तीत जास्त संख्येने होम मिनिस्टर या कार्यक्रमास उपस्थित राहण्याचे आवाहन युवा उद्योजक ॲड. दिनेशशेठ धाई़जे यांच्या वतीने करण्यात आले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
