पोलीस कस्टडी म्हणजे रिमांड, रत्नत्रय पतसंस्थेचा सचिव ज्ञानदेव उर्फ ज्ञानेश राऊत कार्यक्रमात माइकवर बोलणारे पोलिसांसमोर खरेच बोलावे लागणार….

बनावट सह्या व खोटी कागदपत्रे बनवून परस्पर लाखो रुपयाचे कर्ज उचलून आर्थिक फसवणूक केल्याबाबत बोलावेच लागणार…

माळशिरस (बारामती झटका)

रत्नत्रय ग्रामीण बिगर शेती सहकारी पतसंस्था मर्यादित सदाशिवनगर, ता. माळशिरस संस्थेचे सचिव ज्ञानदेव पांडुरंग राऊत संस्थेचे चेअरमन व सर्व संचालक यांच्या विरोधात संगनमताने बनावट सह्या व खोटी कागदपत्रे बनवून परस्पर लाखो रुपयाचे कर्ज उचलून आर्थिक फसवणूक केल्याबाबत तसेच खाजगी सावकार सोहम शामराव भगत, सागर जयराम उरवणे, प्रीतम शशिकांत दोशी, रामदास बबन गोफणे, कविता राहुल भगत, सुभाष विठ्ठल सुज्ञे, सर्व रा. सदाशिवनगर, ता. माळशिरस यांच्या विरुद्ध अवैध सावकारी करणे, ज्यादा वसुलीसाठी धमकावणे व जागा हडप करणे अशी दीपक रामचंद्र गोरे रा. सदाशिवनगर यांनी दिलेल्या तक्रारीवरून माळशिरस पोलीस स्टेशन येथे FIR नंबर 0493 गुन्हा नोंद झालेला आहे. सदरच्या गुन्ह्यात भारतीय दंड संहिता 1860 कलम 420, 417, 406, 465 ,468, 471, 506, 34, महाराष्ट्र सावकारी (नियमन) अधिनियम 2014 कलम 39, 41, 45 कलमाअन्वये गुन्हा नोंद झालेला होता.

माळशिरस पोलीस स्टेशन येथे गुन्हा नोंद झालेला असून गुन्ह्यामधील मास्टर माईंड रत्नत्रय पतसंस्थेचे सचिव ज्ञानदेव उर्फ ज्ञानेश राऊत यांना माळशिरस पोलीसांनी अटक मेहरबान न्यायालयाने गंभीर गुन्ह्याच्या अनुषंगाने पुढील तपास करण्याकरता पाच दिवसाची पोलीस कस्टडी देण्यात आलेली आ.हे आज दुसरा दिवस आहे. पोलीस कस्टडी म्हणजे रिमांड यामध्ये घटना घडलेली खरीच सांगावी लागते. रत्नत्रय पतसंस्थेचे सचिव ज्ञानदेव उर्फ ज्ञानेश राऊत पतसंस्थेच्या व इतर कार्यक्रमात माइकवर बोलणारे पोलीस कस्टडीत तपास अधिकारी व पोलिसांसमोर खरेच बोलावे लागणार आहे. तक्रारदार श्री. दीपक गोरे यांनी बनावट सह्या व खोटी कागदपत्रे बनवून परस्पर लाखो रुपयाचे कर्ज उचलून आर्थिक फसवणूक केल्याबाबत तक्रार केलेली असल्याने सदरच्या विषयावर बोलावेच लागणार, अशी चर्चा पतसंस्थेच्या गोटामधून सुरू आहे. कसलाही आरोपी सराईत असो किंवा नवखा असो (मी कसा दिसतो याकडे बघून) पोपटासारखा पोलीस कस्टडीमध्ये बोलत असतो. सदर गुन्ह्याचा पुढील तपास माळशिरस पोलीस स्टेशनचे प्रभारी अधिकारी पोलीस उपविभागीय अधिकारी श्री. विशाल नवले करीत आहेत. त्यामुळे प्रकरणाच्या मुळाशी जाऊनच तपास होणार आहे.

संस्थेचे चेअरमन व सर्व संचालकासह खाजगी सावकार यांची शोध मोहीम सुरू आहे. पतसंस्थेचे सचिव जेवढे जबाबदार तेवढेच चेअरमन व संचालक मंडळ जबाबदार असते. तपास अधिकारी पोलीस उपविभागीय अधिकारी श्री. विशाल नवले यांच्याशी संपर्क साधून चेअरमन यांची शोध मोहीम सुरू आहे का ? नाही ? सविस्तर बातमी पुढील भागात….

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.