राष्ट्रपुरुष व संत ही आपली शक्तीस्थाने – ग्रामविकास व पंचायत राजमंत्री ना. जयकुमार गोरे

नायगाव (बारामती झटका)

नायगाव येथे सावित्रीबाई फुले यांच्या भव्यदिव्य स्मारकासाठी सुमारे १५० कोटीचा निधी, अरण यथे संत सावता महाराज यांचे १० एकर जागेमध्ये भव्य दिव्य स्मारक उभारण्यासाठी सुमारे १८० कोटी रुपयांचा निधी, महात्मा फुले यांचे जन्मगाव असणाऱ्या कटगुण येथे महात्मा फुले यांचे भव्य दिव्य स्मारक उभारण्यासाठी ७५ कोटी निधी मंजुर करण्यात आला असुन ही कामे मार्गी लावण्यात आपल्याला यश आले आहे. छत्रपती शिवाजी महाराज, डॉ. बाबासाहेब आंबेडकर, महात्मा फुले, अहिल्यादेवी होळकर,अण्णाभाऊ साठे आदी राष्ट्रपुरुष व महाराष्ट्रातील संत ही आपली शक्तीस्थाने असुन त्यांच्या प्रेरणास्थळांना भेटी देऊन नवी ऊर्जा आत्मसात करणे गरजेचे आहे, असे प्रतिपादन राज्याचे ग्रामविकास व पंचायतराज मंत्री नामदार जयकुमार गोरे यांनी केले.

पाडेगाव (नेवसेवस्ती), ता. फलटण येथे संत शिरोमणी सावता महाराज पुण्यतिथी निमित्त सुरू असलेल्या अखंड हरिनाम सप्ताहास राज्याचे ग्रामविकास व पंचायतराज मंत्री नामदार जयकुमार गोरे यांनी भेट दिली यावेळी ते बोलत होते.

यावेळी पुणे जिल्हा मध्यवर्ती बँकेचे चेअरमन डॉ. दिगंबर दुर्गाडे सर, दिलीप फरांदे, विडणीचे लोकनियुक्त सरपंच सागर अभंग, डॉ. नितीन सावंत, समाज कल्याण सभापती ऋषिकेश धायगुडे, पंचायत समिती सदस्य अतुल पवार, बापूराव शिंदे, दिनकर राऊत, रामदास नेवसे, भाऊसो शेळके, बंडातात्या खरात, संदेश नेवसे, किरण जाधव, तेजस क्षीरसागर आदी मान्यवर व ग्रामस्थ मोठया संख्येने उपस्थित होते.

या वेळी पुढे बोलताना नामदार जयकुमार गोरे म्हणाले, पाडेगाव नेवसेवस्ती येथील संत सावतामहाराज मंदीर सभामंडपासाठी येथील ग्रामस्थानी निधी देण्याची मागणी केली आहे, लवकरच या मंदीराच्या सभामंडपासाठी ३० लाख रुपये निधी मंजुर करण्यात येईल. राज्यात राष्ट्रपुरुषांची स्मारके व संताच्या मंदिराचे संभा मंडप व सुशोभिकरण करण्यासाठी निधीची कमतरता पडणार नाही.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.