पालकमंत्री पत्नी सौ. सोनिया गोरे यांनी माळशिरस तालुक्यातील एकतपुरे-पिसे शुभविवाहास आवर्जून उपस्थित राहून वधू-वरांना शुभाशीर्वाद दिले…

अकलूज (बारामती झटका)

महाराष्ट्र राज्याचे ग्रामविकास व पंचायत राज मंत्री तथा सोलापूर जिल्ह्याचे पालकमंत्री नामदार जयकुमार गोरे यांच्या धर्मपत्नी भारतीय जनता पार्टीच्या कार्यकारणी सदस्या सौ. सोनिया जयकुमार गोरे (वहिनीसाहेब) यांनी श्री. प्रकाश पिसे रा. म्हसवड यांची कन्या काजल व श्री. भरत एकतपुरे रा. माळेवाडी, अकलूज यांचे चिरंजीव अक्षय यांचा शुभ विवाह सोहळा येथील सुवर्णा लाॅन्स मंगल कार्यालय, अकलूज-खंडाळी रोड या ठिकाणी मोठ्या उत्साहात संपन्न झालेल्या शुभविवाह सोहळ्यास आवर्जून उपस्थित राहून वधू-वरांना शुभाशीर्वाद दिले. यावेळी पिसे व एकतपुरे परिवारांच्या वतीने वहिनीसाहेब यांचा सन्मान करण्यात आला.

सौ. सोनिया गोरे यांनी शुभविवाह सोहळ्यास उपस्थित राहून नवीन जीवनाची सुरुवात करत असलेल्या नवदाम्पत्यास शुभेच्छा दिल्या. या शुभविवाह सोहळ्यास अनेक मान्यवर उपस्थित होते.

यशस्वी पुरुषाच्या पाठीमागे खंबीरपणे स्त्रिया उभा राहत असतात, याचाच प्रत्यय ना. जयकुमार गोरे उर्फ जयाभाऊ यांच्याकडे पाहून येतो. माण देशाचा मानबिंदू, दिनदलित गोरगरिबांचा आधारस्तंभ व शेतकऱ्यांचा तारणहार नामदार जयकुमार गोरे उर्फ जयाभाऊ यांच्याकडे महाराष्ट्र राज्याचे ग्रामविकास व पंचायत राज खात्याची जबाबदारी दिलेली आहे. सोलापूर जिल्ह्याच्या पालकमंत्री पदाची सुद्धा जबाबदारी असल्याने सध्या आषाढीवारीचे नियोजन सुरू आहे. बैठका, नियोजन आढावा धावपळ सुरू आहे. अशा धावपळीत मतदारसंघांमध्ये जयाभाऊ यांची शुभ कार्याला कमतरता भासू नये, यासाठी जयाभाऊ यांचे प्रतिनिधित्व वहिनीसाहेब सांभाळत आहेत.

त्या माण- खटाव मतदार संघामध्ये सुखदुःखाच्या कार्यक्रमांमध्ये आवर्जून उपस्थित राहत असतात. मतदार संघाबाहेर माळशिरस तालुक्यात येऊन शुभविवाहास उपस्थिती दर्शवून कार्यकर्त्यांच्या आपलेपणाच्या भावना जपलेल्या आहेत. पालकमंत्री यांची पत्नी आहे, असा अविर्भाव न आणता सर्वसामान्य महिलेसारखे शूभकार्यास उपस्थित राहून वधू-वरांना आशीर्वाद दिले. सोनिया वहिनी शुभ कार्याला आल्या आणि उपस्थितांची मने जिंकून गेल्या.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.