सौंदणे (बारामती झटका)
मोहोळ तालुक्यातील सौंदणे येथे मागील 32 वर्षापासून शंकरराव वाघमारे यांच्या पुढाकाराने सातत्याने श्री संत सावता माळी प्रतिष्ठान संजीवन समाधी सोहळा साजरा करत असते. सौंदणे येथील सावता सैनिकांनी अरण येथून आणलेल्या ज्योती चे मंगळवारी सकाळी 8.30 वाजता सौंदणे आढेगाव च्या शिवेवर प्रचंड उत्साहात स्वागत करण्यात आले. त्यानंतर गावात सावता महाराज यांच्या प्रतिमेसह दिंडी मिरवणूक काढण्यात आली. त्यानंतर भजन, कीर्तन करत दुपारी फुले टाकण्यात आली. तर रात्री भजन, कीर्तन करत जागर करण्यात आला.
बुधवारी सायं 5 वाजता ह. भ. प. स्वप्निल शिंदे महाराज पाथूर्डीकर यांचे सुश्राव्य कीर्तन झाले. त्यानंतर रात्री 8 वाजता नारळ हंडीचा कार्यक्रम संपन्न झाला. यावेळी मोहोळ तालुक्याचे माजी आमदार राजन पाटील, सोलापूर जिल्हा परिषदेचे उपाध्यक्ष इंद्रजीत पवार, शिवसेना ओबीसी आघाडीचे राज्याचे अध्यक्ष रमेश बारसकर, मोहोळ पंचायत समितीचे सभापती अस्लम चौधरी, भाजपचे माजी जिल्हाध्यक्ष शंकरराव वाघमारे, जि. प. सदस्य सचिन जाधव, जि. प. सदस्य बालाजी नरुटे, सोलापूर जिल्हा दुध संघाचे उपाध्यक्ष दिपक माळी, भाजपचे मंडल अध्यक्ष सतिश काळे, पंचायत समिती सदस्य धनाजी माळी, जिल्हा उपाध्यक्ष प्रकाश चवरे, सुरेश राऊत, पंढरपूर बाजार समितीचे सदस्य नागनाथ मोहिते, भाजयुमो चे अंकुश अवताडे, भाजपा ओबीसी मोर्चाचे जिल्हाध्यक्ष विनायक सुतार, माळी महासंघाचे जिल्हाध्यक्ष सुधाकर जांभळे, समता परिषदेचे जिल्हाध्यक्ष बापू भंडारे, पेनुरचे माजी उपसरपंच प्रकाश गवळी, शंकर माळी, पाटकुल विकास सेवा संस्थेचे चेअरमन बाळासाहेब वसेकर, सौंदणे चे माजी सरपंच भारत सुतकर, बब्रुवान माळी, यांच्यासह अनेक मान्यवर उपस्थित होते.
तीन दिवस चाललेल्या या सोहळ्यात विद्युत रोषणाई करण्यात आली होती. तसेच नारळ हंडी कार्यक्रमानंतर सर्व भाविक व ग्रामस्थांना महाप्रसाद देण्यात आला. सोलापूर जिल्ह्यामध्ये श्री क्षेत्र अरण नंतर इतके वर्ष सातत्याने होणारा कार्यक्रम म्हणून याकडे पाहिले जाते. यावेळी परमेश्वर माने, रमेश गोडसे, सचिन भानवसे, शंकर जाधव, सागर वाघमारे, बालाजी गवळी, यशवंत नामदे, विशाल चौधरी, लहू वाघमोडे, सुभाष शिंदे, सौ. वंदना देवकर, बापू सुतार, विठ्ठल वाघमारे आदी उपस्थित होते. कार्यक्रम यशस्वी करणेसाठी रमेश भानवसे, तुकाराम भानवसे, चंद्रकांत वाघमारे, गोरख भानवसे, धनंजय भानवसे, संतोष नामदे, कल्याण भानवसे, वैभव वाघमारे, उमेश भानवसे यांनी परिश्रम घेतले.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
