योद्धा प्रतिष्ठान वेळापूर यांच्यावतीने शिवजयंती निमित्त विविध कार्यक्रमांचे आयोजन

वेळापूर (बारामती झटका)

वेळापूर, ता. माळशिरस येथील योद्धा प्रतिष्ठानच्या वतीने छत्रपती शिवाजी महाराज यांच्या जयंतीनिमित्त शिवजन्मोत्सव 2026 अंतर्गत वेळापूर येथे विविध कार्यक्रमांचे आयोजन करण्यात आले आहे. यामध्ये सकाळी नऊ वाजता महादेव देवालय ट्रस्ट जवळ, वेळापूर येथे छत्रपती शिवाजी महाराजांच्या प्रतिमेचे पूजन करण्यात येणार आहे. त्यानंतर सकाळी दहा ते दुपारी तीन पर्यंत सर्व रोग निदान आरोग्य शिबिराचे आयोजन करण्यात आले आहे. त्याचबरोबर महिलांच्या भव्य रॅलीचे आयोजन क्रांती चौक-व्यापारी पेठ-तांबडा मारुती-एसटी स्टँड-अण्णाभाऊ साठे यांच्या पुतळ्यास पुष्पहार घालणे-छत्रपती शिवाजी चौक वेळापूर छत्रपती शिवाजी महाराज व डॉक्टर बाबासाहेब आंबेडकर यांच्या पुतळ्यास पुष्पहार घालणेमहादेव देवालय ट्रस्ट येथे रॅलीची सांगता होणार आहे.

त्यानंतर छत्रपती शिवाजी महाराज यांच्या जयंतीनिमित्त पंचक्रोशीतील शिवभक्तांना महाप्रसादाचे आयोजन देखील महादेव देवालय ट्रस्ट, वेळापूर येथे सायंकाळी ६ ते ९ या वेळेत करण्यात आले आहे. तरी या कार्यक्रमासाठी सर्व शिवभक्तांनी उपस्थित राहण्याचे आवाहन आयोजकांच्या वतीने करण्यात आले आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.