मराठा सेवा संघ पंढरपूर विभाग जिल्हा कार्यकारिणीची नूतन कार्यकारिणी निवड सभा

पंढरपूर (बारामती झटका)

रविवार दि. १७ मार्च २०२४ रोजी दुपारी ४ वाजता पंढरपूर येथील माजी आमदार दत्तात्रय सावंत सर यांच्या संपर्क कार्यालयात मराठा सेवा संघ नवीन कार्यकारिणी निवडीची सभा आयोजित करण्यात आली आहे. सदर सभेत जिल्हा कार्यकारणी पुनर्रचना व जिल्हा कार्यकारणी गठित करणे, तेहतीस कक्षांची बांधनी करणे, तसेच राज्य पातळीवर व जिल्हास्तरावर ३३ कक्षाच्या पदाधिकाऱ्यांची निवड करणे आदी विषयांच्या अनुषंगाने सभा आयोजित केली आहे.

सदर सभेसाठी निरीक्षक म्हणून केंद्रीय कार्यकारणी सदस्य उत्तमराव माने, विभागीय अध्यक्ष प्रशांत पाटील हे उपस्थित राहणार आहेत. तरी पंढरपूर विभागात जिल्हा कार्यकारणीत काम करण्यासाठी इच्छुक असणाऱ्यांनी उपस्थित राहावे, असे आवाहन जिल्हाध्यक्ष तात्यासाहेब पाटील यांनी केले आहे.

पदाधिकारी निवडीसाठी आजीवन सभासद होणे गरजेचे आहे. तरी पंढरपूर, माळशिरस, सांगोला, मंगळवेढा, माढा, करमाळा या तालुक्यातील मराठा सेवा संघाच्या पदाधिकारी यांनी व सर्व तालुका अध्यक्ष तसेच मराठा सेवा संघाच्या इच्छुक सभासदांनी व समाज बांधवांनी वेळेत उपस्थित राहावे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.