जिल्हा परिषद बांधकाम विभागातील प्रभारी उपअभियंता अँटिकरप्शनच्या जाळ्यात…

करमाळा (बारामती झटका)

लोकसेवक आलोसे बबन हिरालाल गायकवाड शाखा अभियंता प्रभारी उप अभियंता बांधकाम विभाग जिल्हा परिषद करमाळा यांना २० हजार रु. लाच स्वीकारताना लाच लुचपत प्रतिबंधक विभाग सोलापूर युनिट पुणे परिक्षेत्र यांनी पकडले आहे. प्रभारी उप अभियंता बबन गायकवाड यांनी ३० हजार रुपये लाचेची मागणी केली होती. यातील २० हजार रुपये रक्कम स्वीकारताना अँटी करप्शन ब्युरोच्या अधिकाऱ्यांनी सापळा रचून त्यांना पकडले आहे.

याबाबत अधिक माहिती अशी की, यातील तक्रारदार हे सुपरवाझर म्हणुन काम करत असलेले कॉन्ट्रॅक्टर यांना जिल्हा परिषद बांधकाम विभाग क्रमांक २ अंतर्गत १) वांगी नं. २ ते इझिमा १२ रस्ता सुधारणा करणे, २) वरकुटे ते साडे रस्ता सुधारणा करणे, ३) वीट चोपडे वस्ती ते झरे रस्ता सुधारणा करणे या कामांची ई-निविदाद्वारे वर्क ऑर्डर मिळालेली असुन, सदर कामाची सर्व जबाबदारी पार पाडुन बिलाच्या अनुषंगाने सर्व प्रक्रिया पार पाडण्याची जबाबदारी सुपरवाझर या नात्याने यातील तक्रारदार यांचेवर आहे.

त्या अनुषंगाने तक्रारदार यांनी पाठपुरावा केला असता सदर कामापैकी वांगी नं.२ ते इझीमा १२ रस्ता सुधारणा या कामाचे प्राथमिक बिल ५,८७,८६१/-रु. तक्रारदार यांना प्राप्त झाले असुन, सदर बिल काढण्याचा मोबदला तसेच उर्वरित दोन कामाचे प्राथमिक बिल काढण्याकरीता म्हणुन यातील लोकसेवक बबन गायकवाड यांनी तक्रारदार यांचेकडे ३०,०००/- रु. लाचेची मागणी करुन, तडजोडअंती २०,०००/-रु. लाच रक्कम आजरोजी पंचासमक्ष मागणी करुन २०,०००/-रु. लाच रक्कम स्वतः स्विकारताना रंगेहाथ पकडण्यात आले आहे.

सदर प्रकरणी करमाळा पोलीस स्टेशन येथे गुन्हा दाखल करण्याची प्रक्रिया चालु आहे. लाच लुचपत प्रतिबंधक विभागाचे पोलीस अधीक्षक शिरीष सरदेशपांडे, अप्पर पोलीस अधीक्षक डॉ. शितल जानवे खराडे, पोलीस उपअधीक्षक गणेश कुंभार यांच्या मार्गदर्शनाखाली सापळापथक पोलीस निरीक्षक गणेश पिंगूवाले, पोलीस अंमलदार पोहेकॉ/१५८ प्रमोद पकाले, पोकॉ/८६२ राजु पवार, पोकॉ/२२२२ रवि हटखिळे चालक पोकॉ/शाम सुरवसे सर्व नेमणुक अॅन्टी करप्शन ब्युरो सोलापूर यांनी यशस्वीरित्या पार पाडली आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.