८ व ९ जुलै रोजीची सुट्टी राज्यातील सर्वच शाळांना मिळणार का ?

मुंबई (बारामती झटका)

दि. ८ व ९ जुलै रोजी राज्यातील शाळांना सुट्टी असणार असल्याची बातमी प्रसारित होत आहे, ही सुट्टी नियोजित सुट्टी नसुन, यामागचे शिक्षकांच्या विविध प्रश्नांसाठी आंदोलन आयोजित आहे. राज्यातील शिक्षकांचे विविध प्रलंबित प्रश्न सोडविण्यासाठी संप आयोजित करण्यात आलेला असून, या संपाला संयुक्त मुख्याध्यापक, महाराष्ट्र राज्य मुख्याध्यापक महामंडळ, तसेच राज्यातील विविध शिक्षक संघटनांकडून बिनशर्तपणे पाठिंबा देण्यात आलेला आहे.

दि. ८ व ९जुलै २०२५ रोजी शिक्षकांकडून आझाद मैदान येथे आयोजित करण्यात आलेल्या आंदोलनाचे मुख्य मागणी म्हणजे अनुदानित / अंशत: अनुदानित शाळांच्या टप्पा मध्ये वाढ करणे, अनुदानांमध्ये वाढ करणे अशा प्रमुख मागण्या आहेत.

अनुदान टप्पा वाढीचा GR निर्गमित होवून देखिल सरकारकडून निर्णय घेतला जात नसल्याने, सदर आंदोलनांचे आयोजन करण्यात आले आहे.

हे आंदोलन अनुदानित शाळांमधील शिक्षक/कर्मचाऱ्यांचे असल्याने, राज्यातील सर्वच अनुदानित / अंशतः अनुदानित शाळांना सुट्टी असेल, याशिवाय सदर आंदोलनांसाठी पाठिंबा देण्यात आलेल्या संघटनांच्या संलग्न असणाऱ्या शाळांना देखिल सुट्टी असेल.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.