मळोली (बारामती झटका)
माळशिरस तालुका शालेय स्तरीय खो खो स्पर्धा वेळापूर येथील संत ज्ञानेश्वर महाराज पालखी मैदानावर संपन्न झाल्या. यामध्ये १४ वर्षे मुलींच्या संघामध्ये अंतिम सामना जनता विद्यालय व ज्युनिअर कॉलेज मळोली विरूद्ध संग्रामसिंह मोहिते पाटील विद्यालय शिंगोर्णी यांच्यामध्ये होऊन यामध्ये जनता विद्यालयाच्या संघाने हा सामना एक डाव पाच गुणाने जिंकून जिल्हास्तरीय स्पर्धेसाठी प्रवेश मिळवला.
यावेळी सर्व यशस्वी खेळाडूंचा व मार्गदर्शक शिक्षकांचा प्रशालेच्या वतीने सत्कार समारंभ आयोजित करण्यात आला होता. यावेळी प्रमुख व मान्यवर म्हणून संस्थेचे मार्गदर्शक व विकास सोसायटीचे चेअरमन सत्यजित जाधव, सुरेश जाधव, प्रभाकर इंगळे सरदेशमुख आदी उपस्थित होते. तर , कार्यक्रमाच्या अध्यक्षस्थानी मुख्याध्यापक तानाजी लवटे होते.
उपस्थित मान्यवरांच्या हस्ते सर्व यशस्वी खेळाडूंचा व मार्गदर्शक शिक्षक, क्रीडा विभाग प्रमुख पृथ्वीराज जाधव, सहाय्यक निलेश जाधव, निसार शेख यांचा सन्मान करण्यात आला.
यावेळी सत्यजित जाधव जाधव यांनी सर्व यशस्वी खेळाडूंचे अभिनंदन करून जिल्हास्तरीय स्पर्धेसाठी शुभेच्छा दिल्या. संस्थेचे अध्यक्ष व पंचायत समिती सदस्य रणजीतसिंह जाधव, सरपंच अर्चना जाधव, उपसरपंच ॲड. महादेव पवार यांनी अभिनंदन करून पुढील वाटचालीसाठी शुभेच्छा दिल्या.
कार्यक्रमासाठी पर्यवेक्षक पानसरे ए. एस., वर्षाराणी पिसे, दिपाली जगताप, सुषमा बाबर, प्रतिभा सावंत उपस्थित होते.
सदर कार्यक्रमाचे सूत्रसंचालन अभिजीत जाधव यांनी केले तर, आभार प्रदर्शन विजय झुरूळे यांनी मानले.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
