प्रज्योततात्या गणेशोत्सव मंडळाची विसर्जन मिरवणूक डीजे मुक्त काढणार -अध्यक्ष सागर उरवणे

सदाशिवनगर (बारामती झटका)

जिल्हाधिकारी सोलापूर यांच्या आवाहनास प्रतिसाद देत यंदाची गणपती विसर्जन मिरवणूक ही डीजे मुक्त काढणार असल्याचे स्वर्गीय प्रज्योततात्या सालगुडे पाटील गणेशोत्सव मंडळाचे अध्यक्ष सागर उरवणे यांनी सांगितले.

डीजे आणि लेझर मुळे ज्येष्ठ नागरिक, गर्भवती महिला व लहान मुलांसह सर्वांच्या शारीरिक व मानसिक आरोग्यावर विपरीत परिणाम होत असल्यामुळे मंडळाने डीजे व लेझर मुक्त मिरवणूक काढण्याचे ठरविले आहे. दि. 6 सप्टेंबर रोजी दुपारी 4 ते सायंकाळी 8 वाजेपर्यंत गणपती विसर्जन मिरवणूक ढोल ताशांसह हलग्यांच्या कडकडाटात व टाळ मृदुंगाच्या गजरात काढण्यात येणार असून मिरवणुकीसाठी ग्रामस्थांनी मोठ्या संख्येने हजर राहावे असे आवाहन मंडळाच्या वतीने करण्यात आलेले आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.