अकलूज नगर परिषद निवडणुकीतील इच्छुक उमेदवारांच्या मुलाखती होणार.
अकलूज (बारामती झटका)
महाराष्ट्र राज्याचे ग्रामविकास व पंचायत राज मंत्री तथा सोलापूर जिल्ह्याचे पालकमंत्री ना. जयकुमार गोरे यांचा रविवार दि. 9 नोव्हेंबर 2025 रोजी सोलापूर जिल्ह्यातील माळशिरस तालुक्यात अकलूज येथे सायंकाळी 06 वाजता अकलूज नगर परिषद इच्छुक उमेदवारांच्या मुलाखती होणार आहेत. सदरच्या कार्यक्रमास भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार माजी आमदार आरोग्यदूत राम सातपुते, भारतीय जनता पार्टी सोलापूर ग्रामीण पश्चिम अध्यक्ष बाळासाहेब उर्फ चेतनसिंह केदार सावंत यांच्या प्रमुख उपस्थितीत इच्छुक उमेदवारांच्या मुलाखती होणार आहेत.
अकलूज ग्रामपंचायतीचे रूपांतर नगर परिषदेमध्ये झाल्यानंतर पहिल्यांदाच निवडणूक होत आहे. अकलूज माळेवाडी नगरपरिषद हद्दीमध्ये 13 प्रभाग आहेत. प्रत्येक प्रभागांमध्ये 02 उमेदवार असणार आहेत. 26 उमेदवार आपले पक्षाकडून नशीब आजमावणार आहेत. नगरपरिषद निवडणुकीसाठी इच्छुकांची बहू गर्दी आहे. प्रस्थापितांची दहशत होती. विरोधी गटामध्ये उभा राहणाऱ्यांची संख्या कमी होती. दबावाखाली निवडणुकीत एकमेकांना सुसंवाद सुद्धा साधत नव्हते. मात्र, नगरपरिषद निवडणुकीमध्ये वेगळे चित्र पहावयास मिळत आहे.
महाराष्ट्र राज्याचे लाडके कर्तव्यदक्ष मुख्यमंत्री देवेंद्रजी फडणवीस यांच्या मार्गदर्शनाखाली माढा लोकसभेचे कार्यतत्पर व पाणीदार माजी खासदार रणजीतसिंह नाईक निंबाळकर, पालकमंत्री ना. जयकुमार गोरे, माजी आमदार राम सातपुते या त्रिमूर्तींनी अकलूज नगर परिषदेवर भाजप महायुतीचा झेंडा फडकविण्याचा निर्धार केलेला आहे. अकलूज शहर परिवर्तनाच्या दिशेने वाटचाल करीत असल्याने महाराष्ट्राच्या राजकारणात अकलूज नगर परिषद निवडणूक 1977-78 व 2009 सालाची आठवण करून देणारी आहे. यामुळे अकलूज नगर परिषदेकडे विशेष लक्ष लागून राहिलेले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
