धनंजय मुंडे यांच्यावर कडक कारवाई करून त्यांच्या प्रतिमेस जोडे मारो आंदोलन करण्याचे दिले निवेदन

वेळापूर (बारामती झटका)

वेळापूर, ता. माळशिरस येथे सकल मराठा समाजाच्या वतीने संघर्ष योद्धा मनोजदादा जरांगे पाटील यांच्या हत्येचा कट रचणाऱ्या धनंजय मुंडे यांच्यावर कडक कारवाई करून छत्रपती शिवाजी महाराज चौक येथे त्यांच्या प्रतिमेला जोडे मारो आंदोलन करण्याचे निवेदन वेळापूर पोलीस स्टेशनला देण्यात आलेले आहे. सदरचे निवेदन वेळापूर पोलीस स्टेशनचे सहाय्यक पोलीस निरीक्षक यांना देण्यात आले.

सदर निवेदनात असे नमूद करण्यात आले आहे की, अखंड मराठा समाज वेळापूर माळशिरस तालुक्याच्या वतीने आपणास निवेदन देण्यात येत आहे कि, मराठा समाजातील संघर्ष योद्धा मा. श्री. मनोजदादा जरांगे पाटील यांच्या हत्येचे कट रचणारा धनंजय मुंडे यांच्यावर कडक कारवाई करण्यात यावी. अन्यथा सकल मराठा समाज वेळापूर, ता. माळशिरस येथे तीव्र आंदोलन करण्यात येईल. त्याचबरोबर सकल मराठा समाजाच्या वतीने धनंजय मुंडे यांच्या प्रतिमेस जोडे मारो आंदोलन करण्यात येईल.

सदर निवेदनावर अशोक शिंदे, सुनील मुंगुसकर, सचिन माने देशमुख, यशवंतराव घाडगे, समाधान चव्हाण, शहाजी चौगुले, अण्णासाहेब चव्हाण पाटील राहुल कोडग, चंद्रकांत पोळ, सचिन यादव, विजय पवार, भीमराव इंगोले, अशोक जाधव, चंद्रकांत गोफणे, लक्ष्मण माने देशमुख आदींच्या सह्या आहेत.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.