पत्रकार सुरक्षा समिती पश्चिम महाराष्ट्र अध्यक्ष पदी प्रमोद भैस यांची फेर निवड

सोलापूर (बारामती झटका)

गेल्या आठ वर्षांपासून पत्रकार सुरक्षा समिती राज्यातील पत्रकारांसाठी वेगवेगळ्या स्वरूपाचे आंदोलन उपोषण निवेदन व राज्य सरकारकडे पत्र व्यवहार करून पाठपुरावा करत असून पत्रकार सुरक्षा समितीच्या माध्यमातून जेष्ठ पत्रकार समान पेन्शन योजना, आरोग्य योजना, विमा योजना, पत्रकारांसाठी घरकुल योजना, ग्रामीण भागातील पत्रकारांना एसटी बसमधून मोफत प्रवास पत्रकारांच्या चारचाकी वाहनास टोल मधून सूट राज्यातील युट्युब व पोर्टलला शासकीय जाहिराती यादीवर नसलेल्या साप्ताहिक वृत्तपत्राना पूर्वी प्रमाणे जाहिराती खंडणीसारखे गंभीर गुन्हे दाखल प्रकरणी वरिष्ठ अधिकारी मार्फत स्वतंत्र चौकशी पत्रकारांवर होणारे हल्ले धमकी मारहाण यासह राज्यातील पत्रकारांच्या विविध विषयावर पत्रकार सुरक्षा समिती आक्रमक व प्रभावीपणे काम करत असून पत्रकार सुरक्षा समितीच्या पश्चिम महाराष्ट्र अध्यक्ष पदी विविध दैनिकात काम करणारे युवा पत्रकार प्रमोद भैस यांची फेर निवड केली असून 6 जानेवारी (पत्रकार दिनी) त्यांचा ओळख पत्र, नियुक्ती पत्र, शाल व पुष्पगुछ देऊन सत्कार करणार असल्याची माहिती पत्रकार सुरक्षा समितीचे प्रदेश अध्यक्ष यशवंत पवार, कार्यकारी प्रदेश अध्यक्ष रामचंद्र सरवदे, पश्चिम महाराष्ट्र संघटक मिर्झा गालिब मुजावर, पश्चिम महाराष्ट्र उपाध्यक्ष कलीम शेख, जिल्हा अध्यक्ष राम हुंडारे, शहर अध्यक्ष आन्सर तांबोळी यांनी दिली आहे.

युवा पत्रकार प्रमोद भैस यांचा अल्प परिचय
युवा पत्रकार प्रमोद भैस हे पिलीव, ता. माळशिरस येथील रहिवाशी असून त्यांना पत्रकारिता बरोबरच सामाजिक कार्याची आवड असून ते विविध उपक्रमात नेहमी सहभागी असतात. प्रमोद भैस विविध दैनिकात काम करत असून लेखणीच्या माध्यमातून माळशिरस तालुक्यातील तळागाळांचे वंचित, पीडित, अन्यायग्रस्त, अत्याचारग्रस्त नागरिकांचे प्रश्न प्रशासन दरबारात त्यांना न्याय देण्याची भूमिका पार पाडत आहेत. युवा पत्रकार प्रमोद भैस यांनी पत्रकार सुरक्षा समितीचे पश्चिम महाराष्ट्र अध्यक्ष पदाची जबाबदारी अतिशय चांगल्या रीतीने पार पाडली आहे. पत्रकार सुरक्षा समितीच्या आंदोलन, उपोषण, निवेदनात त्यांनी पुढाकार घेतला असून त्यांच्या या कार्याची दखल घेत पत्रकार सुरक्षा समितीने या वर्षी देखील युवा पत्रकार प्रमोद भैस यांची पत्रकार सुरक्षा समितीच्या पश्चिम महाराष्ट्र अध्यक्ष पदी फेर निवड केली असून त्यांचे सर्वत्र कौतुक होत असून त्यांच्यावर अभिनंदनाचा वर्षाव होत आहे..

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.