ह. भ. प. कविराज महाराज झावरे (आळंदी देवाची) यांचे मांडवे, ५० फाटा येथे सुश्राव्य कीर्तन होणार

कै. जयवंत तात्या पालवे पाटील यांच्या प्रथम पुण्यस्मरणनिमीत्त किर्तन, आरती, पुष्पवृष्टी व महाप्रसादाचे आयोजन

मांडवे (बारामती झटका)

मांडवे, ता. माळशिरस येथे माळशिरस पंचायत समितीचे माजी सदस्य व मांडवे गावचे सरपंच जयवंत तात्या मारुती पालवे पाटील यांच्या प्रथम पुण्यस्मरणाचे आयोजन शनिवार दि. ११/०४/२०२६ रोजी मांडवे, सरपंच वस्ती, ५० फाटा, ता. माळशिरस येथे करण्यात आले आहे. या प्रथम पुण्यस्मरण निमित्त ह. भ. प. कविराज महाराज झावरे (आळंदी देवाची) यांच्या सुश्राव्य कीर्तनाचे आयोजन करण्यात आले आहे. यावेळी कीर्तनानंतर आरती, पुष्पवृष्टी व महाप्रसादाचे आयोजन देखील करण्यात आले आहे. तरी पुण्यस्मरण कार्यक्रमास उपस्थित राहण्याचे आवाहन नानासो जयवंत पालवे पाटील, राजेंद्र जयवंत पालवे पाटील, सौ. संगीता ज्ञानदेव बंडगर यांच्या वतीने करण्यात आले आहे.

मांडवे गावच्या जडणघडणीत जयवंततात्या यांचा सिंहाचा वाटा आहे. मांडवे गावच्या सरपंच पदावर पंधरा वर्षे व उपसरपंच पदावर पाच वर्ष काम केलेले आहे. ते गोरगरीब व सर्वसामान्य जनतेचे तारणहार होते. चाळीस वर्ष राजकारणात सक्रिय व सकारात्मक राजकारण करून समाजामध्ये आपले वेगळे नाव केलेले होते. राजकारण करीत असताना कधीही सूडबुद्धीने राजकारण न करता राजकारणापुरते राजकारण करून समाजकार्यांमध्ये अग्रेसर होते.

नजरचुकीने आपणांस आमंत्रण द्यायचे राहून गेले असल्यास हेच आमंत्रण समजून पुण्यस्मरण कार्यक्रमास उपस्थित राहण्याचे आवाहन समस्त पालवे पाटील परिवार यांच्या वतीने करण्यात आले.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.