अकलूज (बारामती झटका)
अकलूज, ता. माळशिरस येथील डॉ. प्राजक्ता मोहन काशीद यांनी पुण्यश्लोक अहिल्यादेवी होळकर सोलापूर विद्यापीठ सोलापूर येथून मानसशास्त्र विषयामध्ये डाॅक्टरेट पदवी मिळवली असून त्यांचे सर्वत्र अभिनंदनाचा व कौतुकाचा वर्षांव होत आहे. त्यांनी “A psychological study of achievement motivation and some personality factors of teenagers using social media” या विषयावर प्रोफेसर डॉ. पी. एस. बनसोडे हेड ऑफ द डिपार्टमेंट सायकॉलॉजी संगमेश्वर स्वायतत्त महाविद्यालय सोलापूर यांच्या मार्गदर्शनाखाली मानसशास्त्र संशोधन केंद्रातून पूर्ण केले.
त्यांना १६ ऑक्टोबर २०२५ रोजी झालेल्या मौखिक परीक्षेनंतर विद्यापीठाकडून विद्यावाचस्पती पदवी घोषित करण्यात आली. यावेळी सावित्रीबाई फुले पुणे विद्यापीठाच्या मॉडर्न कॉलेज येथे कार्यरत असलेल्या डॉ. साधना नातू आणि प्रा. डॉ. वसंत कोरे चेअरमन, विद्याशाखेचे अधिष्ठाता हे बाह्य परीक्षक म्हणून उपस्थित होते.
डाॅ. प्राजक्ता काशिद यांनी त्यांचे वडील कै. मोहन काशिद यांचे मुलीने डाॅक्टरेट व्हावे हे स्वप्न होते ते आज मुलीने पुर्ण केले आहे. डॉ. प्राजक्ता काशिद या सध्या MIT विश्वशांती गुरुकुल स्कूल कोथरूड येथे विद्यार्थी समुपदेशक (Student Counselor) म्हणून कार्यरत आहेत. त्यांच्या पीएचडीमध्ये पती सोमनाथ क्षीरसागर यांची मोलाची साथ आणि मार्गदर्शन लाभले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
