मोहिते पाटील गट उपसभापती मामासाहेब पांढरे यांच्या भाजप प्रवेशाने नातेपुते पंचक्रोशीसह तालुक्यात झाला भुईसपाट..

पालकमंत्री जयकुमार गोरे व मा. आमदार राम सातपुते यांच्या प्रमुख उपस्थितीत श्रीराम बंगला येथे जाहीर पक्षप्रवेश..

नातेपुते (बारामती झटका)

अकलूज कृषी उत्पन्न बाजार समितीचे विद्यमान उपसभापती तथा मामाश्री पतसंस्थेचे चेअरमन व नातेपुते पंचक्रोशीत अनेक संस्थांवर कार्यरत असणारे जननायक श्री. बापूराव उर्फ मामासाहेब पांढरे यांनी मांडवे येथील श्रीराम निवासस्थानी महाराष्ट्र राज्याचे ग्रामविकास व पंचायतराज मंत्री तथा सोलापूर जिल्ह्याचे कर्तव्यदक्ष पालकमंत्री नामदार जयकुमार गोरे, भारतीय जनता पार्टीचे महाराष्ट्र प्रदेश चिटणीस तथा माळशिरस विधानसभेचे लोकप्रिय दमदार माजी आमदार राम सातपुते यांच्यासह अनेक मान्यवरांच्या उपस्थितीत मोहिते पाटील यांचे कट्टर समर्थक मामासाहेब पांढरे यांनी भारतीय जनता पार्टीत जाहीर पक्ष प्रवेश केलेला असल्याने नातेपुते पंचक्रोशीसह माळशिरस तालुक्यात मोहिते पाटील गट भुईसपाट झाला असल्याची राजकीय वर्तुळात चर्चा सुरू आहे..

श्रीराम निवास, मांडवे येथे पुणे शिक्षक व पदवीधर मतदारसंघ निवडणूक २०२६ चे भाजप-महायुतीचे अधिकृत उमेदवार श्री. कौस्तुभ मुरलीधर गावडे आणि डॉ. सौ. स्मिता योगेश जाधव यांच्या प्रचारार्थ आयोजित संवाद बैठक महाराष्ट्राचे ग्रामविकास व पंचायतराज मंत्री तथा सोलापूर जिल्ह्याचे पालकमंत्री मा. ना. श्री. जयकुमारजी गोरे जिल्हाध्यक्ष गणेश चिवटे यांच्या प्रमुख उपस्थितीत माजी आमदार राम सातपुते यांच्या नियोजनात पार पडली.

यावेळी नातेपुते येथील उपसभापती मामासाहेब पंढरे, श्री शंकर सहकारी साखर कारखान्याचे संचालक कारूंडे गावचे ज्येष्ठ नेते रमेश पांडुरंग जगताप, तांबेवाडी गावचे माजी सरपंच दादासो विश्वनाथ चव्हाण, पिसेवाडी गावचे शिवाजी विठ्ठल वाघमारे, दादासाहेब महादेव म्हेत्रे यांच्यासह अनेक पदाधिकारी व कार्यकर्त्यांनी भाजपमध्ये प्रवेश केला. याप्रसंगी सोलापूर जिल्हा परिषदेचे माजी उपाध्यक्ष श्री. शहाजीराजे (बाबाराजे) देशमुख, प्रकाशबापू पाटील, भाजपचे ज्येष्ठ नेते बी. वाय. राऊत, हनुमंतबापू सुळ, भाजपा नेते सोपानकाका नारणवर, माळशिरस नगरपंचायत माजी नगराध्यक्ष आप्पासाहेब देशमुख, जिल्हा परिषद सदस्य चंद्रकांत जाधव, गणेश दादा पाटील, मंडल अध्यक्ष संजय कांता देशमुख, मंडल अध्यक्ष नितीन मोहिते माळी, गणपततात्या वाघमोडे, ज्योतिताई माने पाटील, बबन बापू पालवे, दादा उराडे, किशोर सुळ, मोहनभाऊ लांडे, सत्यशील पाटील, राजेंद्र पांढरे, हंसराज माने पाटील, अमरभाऊ माने देशमुख, मालोजीराजे देशमुख, वंदना माई पाटील, बाळासाहेब सरगर, बाजीराव काटकर यांसह शिक्षण संस्थाचालक, महायुती घटक पक्षाचे वरिष्ठ पदाधिकारी, कार्यकर्ते व माळशिरस मतदारसंघातील नोंदणीकृत मतदार मोठ्या संख्येने उपस्थित होते. कार्यक्रमाचे सूत्रसंचालन संदीप जाधव व बाळासाहेब सरगर यांनी केलेले होते.

मामासाहेब पांढरे यांनी स्वकर्तुत्वाने नातेपुते पंचक्रोशीत राजकारणामध्ये आपली वेगळी ओळख निर्माण केली आहे. अकलूज कृषी उत्पन्न बाजार समितीच्या उपसभापती पदाची धुरा दोन वेळा त्यांच्याकडेच आलेली होती. अकलूज कृषी उत्पन्न बाजार समितीच्या निवडणुकीत ग्रामपंचायत विभागातून अटीतटीच्या लढतीत ज्येष्ठ नेते बाबाराजे देशमुख व मामासाहेब पांढरे या जोडगोळी मुळेच अकलूज कृषी उत्पन्न बाजार समितीची निवडणूक मोहिते पाटील यांना सोपी गेलेली होती. त्यामुळे मामासाहेब पांढरे एकमेव आहेत ज्यांना सलग दुसऱ्यांदा उपसभापती पदाची संधी मिळालेली होती. मामासाहेब पांढरे यांनी स्वकर्तृत्वातून नातेपुते पंचक्रोशीसह माळशिरस तालुक्यात स्वतःची वेगळी ओळख सामाजिक कार्यातून केलेली आहे. बाबाराजे देशमुख व मामासाहेब पांढरे माळशिरस तालुक्याच्या पश्चिम भागात मोहिते पाटील गटाची धुरा यशस्वीपणे सांभाळीत होते, त्यामुळे नातेपुते नगरपंचायतसह इतर गावांमध्ये मोहिते पाटील गटाचे नेतृत्व दोघेही करीत होते.

काही महिन्यापूर्वी सोलापूर जिल्हा परिषदेचे माजी उपाध्यक्ष व नातेपुते पंचक्रोशीचे जेष्ठ नेते शहाजीराव तथा बाबाराजे देशमुख यांनी जलसंपदा मंत्री गिरीशजी महाजन यांच्या प्रमुख उपस्थितीत भारतीय जनता पार्टीमध्ये पक्ष प्रवेश केलेला होता. त्यानंतर संपूर्ण मोहिते पाटील गटाची जबाबदारी मामासाहेब पांढरे यांच्यावर आलेली होती. मामासाहेब पांढरे यांनी भारतीय जनता पार्टीत पक्ष प्रवेश केलेला असल्याने नातेपुते नगरपंचायत व नातेपुते पंचक्रोशीत मोहिते पाटील गट भुईसपाट झाला असल्याची राजकीय वर्तुळात चर्चा सुरू आहे.

सध्या नातेपुते नगरपंचायतीमध्ये मोहिते पाटील यांच्या विचाराचा एकही नगरसेवक उरलेला नाही, अशी दयनीय अवस्था मोहिते पाटील गटाची झालेली आहे. अकलूज नगर परिषद सोडली तर मोहिते पाटील गटाची महाळुंग श्रीपुर, माळशिरस, नातेपुते या तिन्ही नगरपंचायतीमध्ये सत्ता नाही, अशी राजकीय परिस्थिती निर्माण झालेली आहे. मामासाहेब पांढरे यांचा नातेपुते पंचक्रोशीसह माळशिरस तालुक्यात चांगला जनसंपर्क आहे. निश्चितपणे भारतीय जनता पार्टीला भविष्यात मामासाहेब पांढरे यांच्या पक्षप्रवेशाचा मोठा फायदा होणार आहे. येणाऱ्या नातेपुते नगरपंचायतीच्या निवडणुकीत बाबाराजे देशमुख, डी. वाय. राऊत, दादासाहेब उराडे, भैय्यासाहेब चांगण, रावसाहेब पांढरे, पप्पा काळे, या सर्वांनी एकत्र येऊन निवडणूक लढविल्यास भारतीय जनता पार्टीचा एक हाती झेंडा नातेपुते नगर परिषदेवर फडकून इतर गावांमध्ये निश्चितपणे भारतीय जनता पार्टी जोमाने व डौलाने काम करतील, अशी सध्या तरी परिस्थिती निर्माण झालेली आहे…

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.