पत्रकार सुरक्षा समिती पश्चिम महाराष्ट्र संघटक पदी मिर्झा गालिब मुजावर यांची फेर नियुक्ती

सोलापूर (बारामती झटका)

गेल्या आठ वर्षांपासून पत्रकार सुरक्षा समिती राज्यातील पत्रकारांसाठी वेगवेगळ्या स्वरूपाचे आंदोलन, उपोषण, निवेदन व राज्य सरकारकडे पत्र व्यवहार करून पाठपुरावा करत असून पत्रकार सुरक्षा समितीच्या माध्यमातून जेष्ठ पत्रकार समान पेन्शन योजना, आरोग्य योजना, विमा योजना, पत्रकारांसाठी घरकुल योजना, ग्रामीण भागातील पत्रकारांना एसटी बसमधून मोफत प्रवास, पत्रकारांच्या चारचाकी वाहनास टोल मधून सूट, राज्यातील युट्युब व पोर्टल ला शासकीय जाहिराती यादीवर नसलेल्या साप्ताहिक वृत्तपत्राना पूर्वी प्रमाणे जाहिराती खंडणी सारखे गंभीर गुन्हे दाखल प्रकरणी वरिष्ठ अधिकारी मार्फत स्वतंत्र चौकशी, पत्रकारांवर होणारे हल्ले, धमकी, मारहाण या सह राज्यातील पत्रकारांच्या विविध विषयावर पत्रकार सुरक्षा समिती आक्रमक व प्रभावीपणे काम करत असून पत्रकार सुरक्षा समितीच्या पश्चिम महाराष्ट्र संघटक पदी दैनिक तुफान क्रांती चे संपादक मिर्झा गालिब मुजावर यांची फेर नियुक्ती करण्यात आली आहे, लवकरच त्यांचा ओळख पत्र, नियुक्ती पत्र, शाल व पुष्पगुछ देऊन सत्कार करणार असल्याची माहिती पत्रकार सुरक्षा समितीचे प्रदेश अध्यक्ष यशवंत पवार यांनी दिली आहे.

दैनिक तुफान क्रांती चे संपादक मिर्झा गालिब मुजावर यांची पत्रकार सुरक्षा समितीच्या पश्चिम महाराष्ट्र संघटक पदी फेर नियुक्ती झाल्याने मिर्झा गालिब मुजावर यांचे सर्वत्र कौतुक होत असून त्यांच्यावर अभिनंदनाचा वर्षाव होत आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.