कार्यतत्पर पाणीदार खासदार रणजीतसिंह नाईक निंबाळकर यांची माळशिरस तालुक्यात लोकप्रियता वाढली…

इंग्रजकालीन फलटण-पंढरपूर रेल्वे, प्रलंबित निरा-देवधर प्रकल्पातील कॅनल प्रश्न मार्गी लागले, तर म्हसवड कॉरिडॉरमध्ये गारवाड समाविष्टसाठी प्रयत्नशील…

माळशिरस ( बारामती झटका )

माढा लोकसभा मतदारसंघाचे कार्यतत्पर पाणीदार खासदार रणजीतसिंह हिंदुराव नाईक निंबाळकर यांनी इंग्रजकालीन मंजूर असलेली लोणंद-फलटण पंढरपूर रेल्वे सध्याची फलटण-पंढरपूर रेल्वेसाठी व अनेक दिवसापासून प्रलंबित असणारी व शेतकऱ्यांचे जीवनमान उंचावणारी निरा-देवधर प्रकल्पातील रखडलेल्या कॅनॉलचा प्रश्न मार्गी लावण्यासाठी राज्य सरकार व केंद्र सरकार यांच्याकडून निधी मंजूर करून दोन्ही प्रश्न मार्गी लावलेले आहेत. तर, माळशिरस तालुक्याच्या उद्योग व्यवसायाला गती व तरुणांच्या हाताला काम मिळण्यासाठी म्हसवड कॉरिडॉरमध्ये गारवाड गाव समाविष्ट करण्यासाठी प्रयत्नशील असल्याने पाणीदार खासदार रणजीतसिंह हिंदुराव नाईक निंबाळकर यांची माळशिरस तालुक्यात लोकप्रियता वाढलेली आहे.

माढा लोकसभा मतदारसंघाच्या इतिहासामध्ये पहिल्यांदाच देशाचे पंतप्रधान नरेंद्रजी मोदी, उपमुख्यमंत्री देवेंद्रजी फडवणीस यांच्या मार्गदर्शनाखाली व रणजीतसिंह नाईक निंबाळकर यांच्या रूपाने भारतीय जनता पक्षाचे मतदार संघात कमळ फुललेले आहे. तत्कालीन पंतप्रधान नरेंद्रजी मोदी यांनी माढा लोकसभा मतदारसंघात प्रचाराची सभा घेतलेली होती. पंतप्रधान नरेंद्र मोदी व तत्कालीन मुख्यमंत्री देवेंद्रजी फडवणीस यांनी निवडणुकीत आश्वासने दिलेली होती. त्या आश्वासनांची पूर्तता करण्यासाठी कार्यतत्पर पाणीदार खासदार रणजितसिंह नाईक निंबाळकर यांनी सातत्याने पाठपुरावा केलेला आहे. देशाचे नेते शरदचंद्रजी पवार व माजी उपमुख्यमंत्री विजयसिंह मोहिते पाटील यांनी या मतदार संघाचे खासदार म्हणून प्रतिनिधित्व केलेले होते तरीसुद्धा, अनेक प्रलंबित प्रश्नांना वाचा फुटलेली नव्हती.–पाणीदार खासदार रणजितसिंह नाईक निंबाळकर यांनी कर्तव्यदक्ष उपमुख्यमंत्री देवेंद्रजी फडवणीस यांच्या मार्गदर्शनाखाली मुख्यमंत्री एकनाथ शिंदे व उपमुख्यमंत्री देवेंद्रजी फडवणीस यांच्या सरकारकडून कॅबिनेट मंत्रिमंडळात फलटण-पंढरपूर रेल्वेसाठी राज्य शासनाच्या ५०% निधीला कॅबिनेट बैठकीत मंजुरी घेतली आणि दुसऱ्याच दिवशी केंद्राच्या बजेटमध्ये मंजुरी घेतलेली आहे. भारतामध्ये रेल्वेच्या इतिहासात पहिल्यांदाच अशी घटना घडलेली आहे. राज्याचा ५०% सहभाग आणि दुसऱ्या दिवशी केंद्राच्या बजेटमध्ये निधी मंजूर करणे, असे झालेले असल्याने माळशिरस तालुक्यातील आर्थिक विकासाला चालना देणारा फलटण-पंढरपूर रेल्वेचा प्रश्न मार्गी लागलेला आहे. माळशिरस तालुक्याच्या पश्चिम भागातील कायम दुष्काळी असणाऱ्या गावांचा निरा-देवधर प्रकल्पातील रखडलेल्या कॅनलचा प्रश्न या प्रश्नालाही सततचा प्रयत्न करून निधी मंजूर केलेला आहे. त्यामुळे शेतकऱ्यांचे जीवनमान उंचावणार आहे. निरा-देवधरचा रखडलेला प्रश्न सुद्धा मार्गी लागलेला आहे.

माळशिरस तालुका एकमेव तालुका आहे, ज्या तालुक्यामध्ये उद्योग व्यवसायासाठी व तरुणांच्या हाताला काम मिळण्यासाठी एमआयडीसीची गरज आहे. अनेक सुशिक्षित तरुण बेरोजगार आहेत. मोलमजुरी करण्याकरता कितीतरी तरुण तालुक्याबाहेर जात आहेत. अशावेळी म्हसवड येथे कॉरिडॉर होत असताना गारवाड या ठिकाणी पाच हजार एकर जमीन छत्रपती उदयन महाराज यांच्या मालकीची आहे, त्यांनी सदरची जमीन कॉरिडॉरसाठी देण्याचे मान्य केलेले आहे. सदरच्या कॉरिडॉरमध्ये गारवाडचा समाविष्ट व्हावा यासाठी कॉरिडॉर संघर्ष समिती व गारवाड ग्रामस्थ यांचे एक दिवशीय तहसील कार्यालय माळशिरस येथे आंदोलन व उपोषण झालेले होते. त्यावेळेस कार्यतत्पर व पाणीदार खासदार रणजितसिंह नाईक निंबाळकर यांनी भ्रमणध्वनीवरून संपर्क साधून म्हसवड कॉरिडॉरमध्ये माळशिरस तालुक्यातील गारवाड गाव समाविष्ट करण्यासाठी प्रयत्नशील असल्याचे सांगून आपल्या सोबत आहे असे सांगितलेले असल्याने माळशिरस तालुक्याच्या विकासाला व तरुणांच्या हाताला काम मिळणार आहे. त्यामुळे माळशिरस तालुक्याच्या जडणघडणीमध्ये फलटण-पंढरपूर रेल्वे, नीरा-देवधर प्रकल्पातील कॅनल प्रश्न व म्हसवड कॉरिडॉरमध्ये गारवाडचा समावेश या तीन कामातील दोन कामे पाणीदार खासदार रणजितसिंह नाईक निंबाळकर यांनी प्रगतीपथावर नेली आहेत. तर उर्वरित कॉरिडॉरसाठी प्रयत्नशील असल्याने माळशिरस तालुक्यातील जनतेमध्ये समाधानाचे वातावरण निर्माण झालेले आहे.

माळशिरस तालुक्याच्या इतिहासामध्ये पहिल्यांदाच खासदारांना एक लाखापेक्षा जास्त लीड देणारा तालुका म्हणून तालुक्याची ओळख नव्याने निर्माण झालेली होती. नवनियुक्त खासदार यांनीसुद्धा मताचा व मतदारांचा आदर करून मतदार संघातील विकासाच्या कामाला गती दिलेली असल्याने कार्यतत्पर पाणीदार खासदार रणजितसिंह नाईक निंबाळकर यांची माळशिरस तालुक्यात लोकप्रियता वाढलेली आहे.

नवनवीन व ताज्या घडामोडी पाहण्यासाठी आमच्या बारामती झटका फेसबुक पेजला लाईक आणि शेअर जरूर करा. https://bit.ly/31IKDng