कॉंग्रेस कमिटीचे सहकार सेलचे सोलापूर जिल्हा अध्यक्ष रणजितसिंह देशमुख यांना उत्कृष्ट कार्याबद्दल सन्मानचिन्ह

मुंबई (बारामती झटका)

महाराष्ट्र कॉंग्रेस कमिटीचे प्रांताध्यक्ष नानाभाऊ पटोले यांच्या मार्गदर्शनाखाली कॉंग्रेसचे सोलापूर जिल्हा अध्यक्ष डॉ. धवलसिंह मोहिते पाटील यांच्या नेतृत्वाखाली कॉंग्रेस सहकार सेलच्या महाराष्ट्र प्रदेशाध्यक्षा ॲड. शुभांगी शेरेकर यांनी महाराष्ट्र प्रदेश कॉंग्रेस कमिटी सहकार विभागाच्या वतीने आंतरराष्ट्रीय सहकार दिनानिमित्त कॉंग्रेस कमिटीचे सहकार सेलचे सोलापूर जिल्हा अध्यक्ष रणजितसिंह हंसाजीराव देशमुख यांना उत्कृष्ट कार्याबद्दल सन्मानचिन्ह देवून गौरविण्यात आले आहे.

कॉंग्रेस कमिटीचे सहकार सेलचे सोलापूर जिल्हा अध्यक्ष रणजितसिंह देशमुख यांनी लोकसभा निवडणुकीत उत्कृष्ट कार्य केले आहे. कॉंग्रेसच्या विचारांचा प्रसार आणि प्रचार तळागाळातील लोकांपर्यंत पोहोचविण्यासाठी त्यांनी अहोरात्र कष्ट केले. तसेच सहकाराच्या माध्यमातून जिल्ह्यात सहकार चळवळ उभा केली. त्याचबरोबर जिल्ह्यात बुडालेल्या पतसंस्था पुनर्जीवित केल्या.

कॉंग्रेस कमिटीचे सहकार सेलचे सोलापूर जिल्हा अध्यक्ष रणजितसिंह देशमुख यांच्या कार्याची दखल घेवून कॉंग्रेस सहकार सेलच्या महाराष्ट्र प्रदेशाध्यक्षा ॲड. शुभांगी शेरेकर यांनी दि. ५ जुलै असणाऱ्या आंतरराष्ट्रीय सहकार दिनानिमित्त मुंबई येथील टिळक भवनात सन्मान चिन्ह देवून गौरविले आहे. यावेळी कॉंग्रेसचे माळशिरस तालुका अध्यक्ष सतीशनाना पालकर, कॉंग्रेसचे सोशल मिडिया तालुका अध्यक्ष मयूर माने आदींसह चांगदेव बनकर, रफिक सय्यद, संदीप रेडेकर, बंडू खंडागळे, सुरज डांगे, संजय भोसले, नागेश गव्हाणे, सतीश साठे, बळीराम ठोंबरे, प्रवीण भानवसे आदी कॉंग्रेसचे कार्यकर्ते उपस्थित होते.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.