श्रीकृष्ण वाडेकर अप्पर निबंधक (पतसंस्था) यांनी जिल्हा विशेष लेखापरीक्षक वर्ग (१) सहकारी संस्था सोलापूर यांना सखोल चौकशीचे आदेश….
सुमित्रा ग्रामीण बिगर शेती सहकारी पतसंस्था मर्यादित अकलूज या संस्थेबाबत शरद जोशी विचारमंच शेतकरी संघटना महासंघ श्री विठ्ठल राजे पवार यांच्या तक्रारीवरून सखोल चौकशी करून स्वयंस्पष्ट अभिप्रायासह तात्काळ अहवाल सादर करण्याचे आदेश…
माळशिरस (बारामती झटका)
सहकार आयुक्त व निबंध सहकारी संस्था महाराष्ट्र राज्य पुणे यांचे कार्यालयातील श्रीकृष्ण वाडेकर, अप्पर निबंधक (पतसंस्था) सहकारी संस्था महाराष्ट्र राज्य पुणे यांनी जिल्हा विशेष लेखा परीक्षक वर्ग एक सहकारी संस्था सोलापूर यांना सुमित्रा ग्रामीण बिगर शेती सहकारी पतसंस्था मर्यादित, अकलूज, ता. माळशिरस या संस्थेबाबत शरद जोशी विचार मंच शेतकरी संघटना महासंघ श्री. विठ्ठल राजे पवार यांच्या तक्रारीवरून सखोल चौकशी करून स्वयंस्पष्ट अभिप्रायासह तात्काळ अहवाल सादर करण्याचे आदेश देण्यात आलेले आहेत. सदरच्या कार्यवाहीस्तव जिल्हा उपनिबंधक सहकारी संस्था सोलापूर यांना सुद्धा प्रत देण्यात आलेली आहे.
श्रीकृष्ण वाडेकर अप्पर निबंध यांनी दिलेल्या आदेशामध्ये सुमित्रा ग्रामीण बिगर शेती सहकारी पतसंस्था मर्यादित अकलूज, ता. माळशिरस, जि. सोलापूर या संस्थेची कलम 78 व 88 नुसार तात्काळ चौकशी आदेश देऊन बोगस 101 वसुली दाखल करून वसुली कार्यवाही थांबवावी. मनी लँडरिंग प्रकरणाची चौकशी सर्व कर्ज वाटप जामीनदार यंत्रणा लाभार्थी आणि लाभार्थ्यांच्या खात्याची तपासणी करून दोषीवर गुन्हे दाखल करणे बाबत विनंती केलेली आहे.
तरी श्री. विठ्ठल राजे पवार शरद जोशी विचारमंच शेतकरी संघटना महासंघ यांचे कडील संदर्भीय पत्र सोबत जोडून पाठवण्यात येत असून पत्रामध्ये नमूद सुमित्रा ग्रामीण बिगर शेती सहकारी पतसंस्था मर्यादित अकलूज, ता. माळशिरस, जि. सोलापूर या संस्थेबाबत नमूद मुद्द्यांच्या अनुषंगाने सखोल चौकशी करण्यात येऊन अहवाल आपले स्वयं स्पष्ट अभिप्रायासह तात्काळ या कार्यालयास सादर करावा असे पत्र दिलेले असून सदरचे पत्र माहितीस्तव श्री. विठ्ठल राजे पवार यांनाही देण्यात आलेले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
