ह. भ. प. निवृत्ती महाराज देशमुख (इंदोरीकर) यांचा ७ जुलै रोजी अकलूज येथे भव्य कीर्तन सोहळा.
अकलूज (बारामती झटका)
लोकनेते कै. प्रतापसिंह शंकरराव मोहिते पाटील यांच्या पुण्यतिथीनिमित्त महाराष्ट्र राज्य जनसेवा संघटनेच्यावतीने समाज प्रबोधनकार ह. भ. प. निवृत्ती महाराज देशमुख (इंदोरीकर) यांच्या भव्य हरिकीर्तन सोहळ्याचे आयोजन करण्यात आले आहे. हा कीर्तन सोहळा विजय चौक, अकलूज येथे सोमवार दि. ७/७/२०२५ रोजी सायं. ६ ते रात्री १०.० वाजेदरम्यान होणार आहे.
मागील ९ वर्षांपासून महाराष्ट्र राज्य जनसेवा संघटनेच्यावतीने समाज प्रबोधनकार ह. भ. प. श्री. निवृत्ती महाराज देशमुख इंदुरीकर यांच्या हरीकिर्तनाचा कार्यक्रम आयोजित केला जातो आहे. याचबरोबर जनसेवा संघटना व सोलापूर जिल्हा तालीम संघाच्यावतीने महाराष्ट्र केसरी पै. वेताळ शेळके यांचा एक लाख रुपयांची देणगी व सन्मानचिन्ह तसेच त्यांच्या आई-वडिलांचा संपूर्ण कपड्यांचा आहेर देऊन सत्कार करण्यात येणार आहे.
त्याचबरोबर शाहीर राजेंद्र कांबळे यांना अखिल भारतीय नाट्य परिषदेच्या वतीने सर्वोत्कृष्ट लोककलावंत पुरस्कार मिळाल्याबद्दल सहकुटुंब सहपरिवार सत्कार करण्यात येणार आहे.
ह. भ. प. श्री. अशोक शिंदे महाराज गुरसाळेकर यांचा सोनी टीव्ही मराठी वरील आयोजित केलेल्या “कोण होणार महाराष्ट्राचा लाडका किर्तनकार” स्पर्धेत उप विजेता झाल्याबद्दल सहकुटुंब सहपरिवार सत्कार करण्यात येणार आहे.
यासह विविध संस्थेच्यावतीने लोकनेते कै. प्रतापसिंह मोहिते पाटील यांच्या पुण्यतिथीनिमित्त अनेक समाजोपयोगी कार्यक्रम आयोजित केले आहेत. तरी सर्व नागरीकांनी वेळेवर उपस्थित राहुन या हरिकीर्तन सोहळ्याचा लाभ घ्यावा, असे आवाहन डॉ. धवलसिंह मोहिते पाटील यांनी केले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
