कोंढारपट्टा ग्रामपंचायत पंचवार्षिक निवडणुकीत दोन पॅनलमध्ये समोरासमोर लढत.
सलग पंधरा वर्षे बिनविरोध असणाऱ्या ग्रामपंचायतीच्या मतदारांना 15 वर्षानंतर मतदान करण्याची संधी मिळाली..
कोंढारपट्टा (बारामती झटका)
माढा विधानसभा मतदार संघात समाविष्ट असणाऱ्या माळशिरस तालुक्यातील कोंढारपट्टा ग्रामपंचायत पंचवार्षिक निवडणुकीत जय तुळजाभवानी ग्रामविकास पॅनल व धैर्यशील मोहिते पाटील ग्रामविकास पॅनल या दोन पॅनलमध्ये समोरासमोर लढत लागलेली आहे. कोंढारपट्टा ग्रामपंचायत सलग पंधरा वर्ष बिनविरोध होत होती. अशा बिनविरोध ग्रामपंचायतीच्या मतदारांना पंधरा वर्षानंतर मतदान करण्याची संधी मिळालेली आहे.
नेवरे ग्रामपंचायतीमधून कोंढारपट्टा ग्रामपंचायत 1993 साली अस्तित्वात आलेली होती. पहिल्यांदाच पंचवार्षिक निवडणूक बिनविरोध होऊन विश्वंभर दत्तू भोसले यांनी बिनविरोध सरपंच पदाचा पाच वर्षांचा कार्यकाल पूर्ण केलेला होता. त्यानंतर सलग दहा वर्ष पंचवार्षिक निवडणूक होऊन विजय बबनराव भोसले यांनी दहा वर्ष कार्यकाल पूर्ण केलेला होता. त्यानंतर पंधरा वर्ष ग्रामपंचायत बिनविरोध झालेली होती. त्यामध्ये नवनाथ मारुती नाईक नवरे पाच वर्ष, राजेंद्र आत्माराम भोसले चार वर्ष, तात्यासाहेब मधुकर बाबर एक वर्ष, अफसना सलीम शेख पाच वर्ष अशी ग्रामपंचायत स्थापनेपासून सरपंच पदाचा कार्यकाल 30 वर्षाचा झालेला आहे.
कोंढारपट्टा ग्रामपंचायतीचे पहिले बिनविरोध सरपंच विश्वंभर दत्तू भोसले यांना बिनविरोध होण्याची संधी मिळालेली होती. त्यांचेच नातू राजेंद्र आत्माराम भोसले यांनाही बिनविरोध सरपंच होण्याचा बहुमान मिळालेला आहे.
सध्या जय तुळजाभवानी ग्रामविकास पॅनलमधून उभे असलेले प्रकाश लक्ष्मण जाधव हे बिनविरोध सरपंच, राजेंद्र भोसले उर्फ राजाभाऊ यांचे मेहुणे आहेत. तर धैर्यशील मोहिते पाटील ग्रामविकास पॅनलचे प्रमुख अशोक तुकाराम भोसले व माजी उपसरपंच अनिल भोसले यांचे सरपंच पदाचे उमेदवार अरुण शिवाजी भोसले हे आहेत. जय तुळजाभवानी पॅनल मधून पाच वर्ष सरपंच पदावर असणाऱ्या अफसाना सलीम शेख बिनविरोध ग्रामपंचायत सदस्या झालेल्या आहेत. कोंढारपट्टा ग्रामपंचायतीमध्ये थेट जनतेतील लोकनियुक्त सरपंच व ग्रामपंचायतीचे सहा सदस्य यांची निवडणूक लागलेली आहे. 700 च्या आसपास मतदान आहे. कोंढारपट्टा गावामध्ये 90% मराठा समाजाचे मतदान आहे. त्यामध्ये 70 टक्के भोसले नावाचे मतदान आहे. पंधरा वर्षानंतर निवडणूक होत असल्याने मतदार कोणत्या पॅनलच्या थेट जनतेतील लोकनियुक्त सरपंच पदाच्या उमेदवारांना प्राधान्य देतात याकडे लक्ष लागून राहिलेले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
