अकलूज येथे लोकशाहीर आण्णाभाऊ साठे यांची जयंती विविध सामाजिक उपक्रमांनी साजरी…

अकलूज (बारामती झटका)

साहित्यरत्न लोकशाहीर अण्णाभाऊ साठे यांची १०५ वी जयंती महाराष्ट्र राज्य जनसेवा संघटना, माळशिरस तालुका लहुजी शक्ती सेना, लहुजी साम्राज्य अकलुज यांच्यावतीने मुलींच्या नावे बॅक ठेव पत्र, विद्यार्थ्यांंना वह्या वाटप, नगरपरिषदेतील महिला सफाई कर्मचाऱ्यांना साडी तर तालुक्यातील समाज बांधवांना अण्णाभाऊ साठे यांच्या पुतळ्यांचे वाटप अशा समाजपयोगी विधायक उपक्रमांनी साजरी करण्यात आली.

अकलूज येथे साहित्यरत्न लोकशाहीर अण्णाभाऊ साठे यांच्या जयंतीचे औचित्य साधून जनसेवा संघटनेचे प्रदेशाध्यक्ष डॉ. धवलसिंह मोहिते पाटील यांच्या मार्गदर्शनाखाली समाजपयोगी उपक्रमाचे आयोजन करण्यात आले होते.

यावेळी १०० मुलींच्या नावाने प्रत्येकी ५ हजार रु. बॅक ठेवपत्र, विद्यार्थ्यांंना ५ हजार वह्यांचे वाटप, नगर परिषदेच्या सफाई महिला कर्मचारी यांना साडी, तालुक्यातील समाज बांधवांना जयंती साजरी करण्यासाठी अण्णाभाऊ साठे यांच्या २१ पुतळ्यांचे वितरण ह्रदयरोग तज्ञ डॉ. एम. के. इनामदार यांच्या हस्ते करण्यात आले. याप्रसंगी माजी जि. प. सदस्य शरद मोरे, जनसेवेचे आण्णासाहेब इनामदार, आण्णासाहेब शिंदे, सतिश पालकर, रणजितसिंह देशमुख, नवनाथ साठे, सुधीर रास्ते, मयुर माने, बबनराव शेंडगे, विठ्ठल इंगळे आदींसह अनेक कार्यकर्ते उपस्थित होते.

यावेळी अत्यंत लहान वयात उत्कृष्ठ असे अनेक सुबक शिल्प साकारणारे युवा पिढीचे आदर्श श्री. सुरज युवराज जगताप यांना युवा शिल्परत्न पुरस्कार देऊन सन्मानीत करण्यात आले.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.